İzrail 32 redakśiyäne yuq itte

AQŞ däwlät särqatibe Êntoni Blinken İzrail armiyäse raketa belän bärgän matbuğat binasında Xamas êşçänlek alıp baruğa qağılışlı bernindi dälil kürmäwen äytte. Ul Daniya başqalası Kopengagenda jurnalistlarnıñ sorawlarına cawap birde. Blinken äytüençä, ul, matbuğat binasına höcümnän soñ, İzraildän monıñ säbäben sorağan. Annan Xamas oyışmasınıñ êşçänlek alıp baruı belän bäyle bernindi mäğ’lümat ta, dälil dä kilmägän.   

İzrailneñ matbuğat çaralarınıñ ofisları urnaşqan binağa höcümdä 32 redakśiyä qullanıp bulmastay xälgä kilä. Gazzädä wazıyfasın başqaruçı 10 matbuğat xezmätkäre yaralana, 5 keşeneñ öye zarar kürä häm 1seneñ yaqını hälaq bula.

İzrail xärbi oçqıçlarınıñ 15nçe maydağı höcümnärendä isä Awrupa Berlegeneñ “Associated Press” mäğ’lümat agentlığı häm “Al Jazeera”kanalınıñ ofisları urnaşqan bina da cir belän tigezlängän ide.