Ğazzädä İzrail zolımı däwam itä

İzrail xärbi oçqıçları tönlä Ğazzäneň kön’yaq, könbatış häm tön’yaq töbäklärendä küp sanda punktnı bombalağan.

Alar igen basuların, uramnar, asqormanı maqsat itep alğan , höcümnär näticäsendä Ğazzäneň kön’yağı häm könbatışında qayber iminlek üzäkläre cimerelgän.

Qayber binalar häm yortlar zur zıyan kürgän, êlektr ênergiyäse özelgän, kanalizaśiya, su häm êlektr çeltärlärenä zıyan kilgän.

Diňgezdä urnaşqan İzrail xärbi köymäläreneň Ğazzä yarına ut açuı citkerelä.

Höcümnärdä Deyr äl-Belah belän Ğazzädä 2 öy cimerelgän.

Xamasnıň xärbi qanatı İzzeddin äl - Kassam brigadaları xäbär itkänçä, tınıç xalıqqa oyıştırılğan höcmnärgä cawap qaytarıp İzrailneň Berşeba häm Askalan qalaları belän qayber toraq punktlarğa raketa höcümnäre yasalğan.

İslam cihad oyışmasınıň xärbi qanatı Qudüs xäräkätläre dä Ğazzädä tınıç xalıqnı maqsat itep alğan höcümnärgä cawap itep İzrailneň Ğazzä çigendä urnaşqan Sderot, Netivot häm Xanegev şähärlärenä köçle raketa höcümnäre yasawın citkergän.

İzrailneň Ğazzä sızığında 10 nçı maydan birle däwam itkän höcümnärendä 200 keşeneň ğomere özelde, alardan 59ı balalar, 35e xatın - qızlar , 1 meň 307 keşe yaralandı, distälägän bina tulısınça cimerelde yäisä qullana almaslıq xälgä kilde.