Blinken 5 ildän wazıyfadaşı belän Fälästinne söyläşte

Amerika Quşma Ştatları däwlät särkätibe Êntoni Blinken Misır, Soğud Ğäräbstanı, Qatar, Paqıstan häm Franśiya tışqı êşlär ministrları belän ayırım ayırım söyläşep, İzrail-Fälästin mäs’äläsendä qırıslıqnı beterü häm tınıçlıqnı urnaştıru tırışuların quzğattı

1640605
Blinken 5 ildän wazıyfadaşı belän Fälästinne söyläşte

AQŞ däwlät departamentı süzçese Ned Prays Blinkenneñ 5 ildän wazıyfadaşı belän ütkärgän telefon söyläşüläre turında yazma belderü yasadı.

Misır tışqı êşlär ministrı Sämih Şukri belän söyläşüendä Blinken İzrail häm Fälästin tarafların kiyerenkelekne azaytırğa häm qırıslıqnı tuqtatırğa çaqırdı häm bu mäs’älädäge tırışuları öçen Misırğa räxmätlären citkerde.

Soğud Ğäräbstanı tışqı êşlär ministrı Faysal bin Farhan Al Saud belän söyläşüendä İzraildä, Ğazzädä häm Yordannıñ könbatış üzänlegendä qırıslıqnıñ tuqtatıluına qağılışlı tırışularnı telgä aluçı Blinken  Fälästinlelärneñ häm İzraillelärneñ ğomerläreneñ özelüennän borçıluın äytte.

Fälästinlelär belän İzraillelärneñ ber ük däräcädä irek, ışanıç, xörmät häm mullıq êçendä yäşäw xoquqı buluın iskärtep uzuçı Blinken Al Saud belän Yämändäge soñğı wazğiyätne häm Soğud Ğaräbstanındağı keşe xoquqları belän bäyläneşle könüzäk täräqqiyätlärne dä söyläşte.

Blinken Qatarlı wazıyfadaşı Möxämmäd bin Abdurrahman Al-Thani häm franśuz wazıyfadaşı Jan-İv Le Drian belän söyläşüe waqırında da İzrail-Fälästin mäs’äläsendä artqan qırıslıqnıñ beterelüenä qağılışlı barışlarğa tuqtalıp uzdı.

Ayıruça Paqıstan tışqı êşlär ministrı Mäxmüd Kuräyşi belän dä söyläşkän Blinken Äfğanstan tınıçlıq barışı belän bäyle bularaq Paqıstan yaqlawınıñ däwamınıñ möhimlegenä basım yasadı häm Amerika Quşma Ştatları belän Paqıstan arasındağı xezmättäşlekneñ däwam itäçäge yullamasın citkerde.



Bäyläneşle xäbärlär