İzrail höcümnäre däwam itä

İzrailneñ Ğazzägä oyıştırğan hawa höcümnärendä şähit sanı 53gä, yaralanuçılar sanı da 320gä citkän.

Ğazzädäge Fälästin sälamätlek saqlaw ministrlığı şähitlärneñ 14eneñ bala, öçeseneñ xatın-qız buluın belderde.

Höcümgä duçar bulğan töbäklärdä binalar êvakuaśiyälände. Balaların qoçaqlağan ata-analar bombalardan qaçırğa tırıştı.

Ğazzädäge êçke êşlär ministrlığı süzçese İyad äl-Buzum İzrailneñ Ğazzädage iminlek bülekçälären tämek itep aluın citkerde.

İzrail höcümnäreneñ Ğazzädä häm Xan Yunıs şähärlärendä kübräk buluın, uramnarnıñ häm asqorma sistemalarınıñ da tämeklär arasında buluın belderde.

Ğazzädä 13 qatlı bir bina İzrail xärbi oçqıçlarınıñ tämege buldı.

Bina yanında urnaşqan Törkiyä xezmättäşlek häm koordinaśiya agentlığı TİKAnıñ ofisi şartlawda zarar kürde.

İzrailgä bäyle xärbi oçqıçlar tınıç xalıq yäşägän 9 qatlı binağa da höcüm oyıştırdı. Zıyan kiterelgän binanıñ cimererlek xälgä kilüe belderelde.

İzrail höcümnäre däwam itkän çaqta grajdan yähüd basıp aluçıları da fälästinnärne maqsat itep aldı. Maşinaları belän yuldan uzğan fälästinnärgä taşlar häm tayaqlar belän höcüm ittelär.

Şul uq waqıtta İzrail poliśiyası irtänge namazdan soñ yañadan Äl-Äqsa mäçetendä yäş’lärgä höcüm itte, plastik pulya qullandı.