İzrail Ğazzägä hawa höcüme yasadı: ülüçelär bar

İzrail köçläreneñ Ğazzägä yasağan hawa höcümendä 9 keşe hälaq buldı, alarnıñ 3se bala. Raketalar Bäyt Xanun cirlegenä töşä. Höcümdä ber uramnı nişanğa alalar.

Fälästin sälamätlek saqlaw ministrlığı mäğ’lümatlarına qarağanda, bik küp yaralanuçı bar.

İzrail oçqıçları aldağı säğat’lärdä Ğazzäneñ kön’yağındağı töbäklärgä yaña hawa höcümnäre oyıştıra.

Süz uñayınnan, İzrail poliśiyäseneñ basıp alınğan Könçığış Qudüstäge Äl-Aksa mäçetendä fälästinlelärgä qarata berniçä kön däwam itüçe höcümnärendä imgänüçelär sanı 331gä citte. Kiçke namazğa kilüçelärne dä tınıçlıqta qaldırmadılar.