Möselmannarnı baş kütärergä çaqıru

Bötendön’ya möselman ğalimnär berlege, İzrailneñ Qudüs häm Äl-Aksa mäçetenä höcümnären tuqtatu öçen, möselmannarnı baş kütärergä çaqırdı. Berlek räise Äxmät är-Räysuni häm ğomum särqatib Ali Möxetdin äl-Karadağinıñ bu xaqta imzalı belderüe çıqtı. Alar İzrailneñ Äl-Aksa mäçetendä zolımnı arttıruın, ğıybadät qıluçılarğa yädrä häm küz yäşen çığaruçı bomba belän höcüm itüen zur borçılu belän küzätülären assızıqladı.

Belderüdä bu xaqsızlıqlarğa süzsez qalmasqa çaqıru da bar. “Berlek isemennän Qudüs xalqınıñ İzrailneñ izge Äl-Aksa mäçetenä häm Şäyex Cärrax mäxälläsendä yäşäwçelärgä höcümnärenä qarşı nıq toruına teläktäşlek belderäbez häm bu qararlı poziśiyäne yaqlaw öçen Fälästin êçennän häm tışınnan xalıqnı häm räsmi däräcädä baş kütärergä çaqırabız,”-diyelä anda.  

Belderüdä, şulay uq, ğaräp häm İslam däwlätlären İzrailneñ höcümnären ğayepläp kenä qalmasqa, konkret adımnar yasarğa çaqıru da bar.

İzrail poliśiyäseneñ comğa könne basıp alınğan Könşığış Qudüstäge Äl-Aksa mäçete, İske şähär rayonında fälästinlelärgä qarşı höcümnärendä kimendä 205 keşe yaralandı