İzrail poliśiyäseneñ zolımı däwam itä

İzrail poliśiyäse bügen irtänge namazdan soñ Äl-Aksa mäçetennän çığuçılarnı plastik yädrä häm tawış bombaları belän qarşı ala. Anda 10 keşe yaralana.

Xärämi-i Şäriftä qılınğan irtänge namazdan soñ yözlärçä keşe Qıybla mäçete belän Qıya gömbäze mäçete arasında cıyılıp Fälästin häm Xamas bayraqların kütärä.

“Canıbız, qanıbız qorban bulsın sineñ öçen, äy, Äl-Aksa” häm “Barıbız Şäyex Cärraxtan” şiğar’läre qıçqıralar. Şäyex Cärrax – Könçığış Qudüstäge İzrailneñ fälästinlelärne öylärennän quıp çığarırğa mataşuçı mäxälläneñ iseme. Soñınnan cıyıluçılar Äl-Aksanıñ Arslanlı häm Xutta qapqalarına taba kitä. Anda İzrail poliśiyäse plastik yädrä häm tawış bombaları belän irtänge namazdan çığuçılarnı kötep tora. Fälästinle yäş’lär alarğa taş häm şeşä atıp qarşılıq kürsätä. Bäreleş yaqınça yarım säğat’ däwam itä. 10 fälästinle plastik yädrälärdän yaralana.

Qudüstä İzrail poliśiyäseneñ fälästinlelärgä kiçäge höcümendä dä 90 keşe yaralanğan ide. Aralarında balalar da şaqtıy, xätta 1 yäş’lek bäbäy bar.  

Comğa könne isä İzrail poliśiyäse Äl-Aksa mäçeteneñ êçenä kerep 205 fälästinlene yaraladı.