Blinken Ukrainağa baraçaq
AQŞ däwlät särqätibe kiläse atnada Kiyevka säfär yasayaçaq
1631384
Amerika Quşma Ştatları belän Rusiyä arasındağı Ukraina krizisı däwam itkändä AQŞ däwlät särqätibe Êntoni Blinken kiläse atnada Kiyevka säfär yasayaçaq.
Blinken Amerikadağı CBS kanalında atna azağında kürsäteläçäk interv’yunıñ berençe öleşendä Ukrainadağı soñğı täraqqıyät’lärne söyläşü öçen bu ilgä baraçağın belderde.
“Xäzerge waqıtta Ukraina çigendäge xärbilär Rusiyä Qırımnı yawlap alğan 2014 yıldağıdan tağın da küp. Vladimir Putinnıñ maqsatların belmibez,” – dide ul.
Soñğı könnärdä rus ğaskäriläreneñ kire çigenülären dä yaqınnan küzätep baruların äytkän Blinken AQŞnıñ Ukrainanı xuplawın qabatladı.