Yaponiya säyäxätlärneñ kontrolen arttırdı
Yaponiya yaña tör koronavirusnıñ (“Kovid-19”nıñ) yaña ştammnarı bilgelängän Hindstan, Peru häm Amerika Quşma Ştatlarınıñ qayber ştatlarınnan kilgän yulçılarğa qarata kontrollären arttırdı
İldä “Kovid-19”nıñ yaña variantları xasil bulğan illärgä häm töbäklärgä qarata kürelgän yaña çaralar qısalarında test häm karantin şartları yañartıldı.
Monıñ nigezendä Amerika Quşma Ştatlarınıñ Tennessee, Florida, Michigan häm Minnesota ştatları belän Hindstannan häm Perudan kilgän yulçılar êlegräk bilgelängän urınnarda karantinğa alınaçaq.
1nçe mayda ğamälgä keräçäk yaña tärtip qısalarında yulçılardan Yaponiyağa kilgännän soñ öçençe könne yañadan “Kovid-19” testın yasattıruı soralaçaq.
Bu keşelär negativ test näticäsen kürsätkän oçraqta cämäğät’ transportın qullanmıyça öylärenä kitä alaçaq.
Ayıruça bu keşelärdän öylärendä dä 14 kön buyı yañadan karantin astında toruı taläp iteläçäk.
Yaponiya "maxsus häm iskärmäle şart säbäbe belän röxsät birelgännär”dän tış yäşäw röxsäte bulmağan böten çit il keşeläreneñ ilgä kerüen tıydı.
