Rusiyä üz ğaläm stanśiyäsen tözi başladı

Bu xaqta ilneñ ğaläm häm aviaśiyä agentlığınnan belderdelär

1625248
Rusiyä üz ğaläm stanśiyäsen tözi başladı

Roskosmos citäkçese Dmitriy Rogozin ğaläm stanśiyäsen tözi başlawların belderde. Bu xaqta ul Twitterda yazdı. “Yaña Rusiyä ğaläm stanśiyäse öçen berençe modul’ êşli başladı,”-diyelä anda. Bu stanśiyäne 2025nçe yılda ğalämgä çığarırğa niyätlilär.

Rusiyä xökümäte räise urınbasarı Yuriy Borisov ta xäzerge Xalıqara ğaläm stanśiyäsendä texnik problemalar barlığın belderä.

 “Kosmonavtlarnıñ tormışın qurqınıç astına quya almıybız. Stanśiyä strukturası häm timerneñ iskerüe kire qaytarıp bulmaslıq näticälärgä, hälakätkä kiterä ala. Moña yul quymasqa kiräk,”-dide ul.

Borisov Rusiyäneñ üz ğaläm stanśiyäsen tözergä planlaştıruın belderde. Ul Ay tiräsendäge mäydannı tikşerü belän bäyle oçışlar öçen qullanıla alaçaq.

Borisov äytüençä, Rusiyäneñ yaña stanśiyä proyektın başqarıp çığarğa köçe citä, ämma aña xalıqara xezmättäşlär dä quşıla ala.

Yuriy Borisov ilneñ 2025nçe yılda Xalıqara ğaläm stanśiyäsennän kitäçägen 18nçe aprel’dä belderde.



Bäyläneşle xäbärlär