"Кырым законсыз аннексияләнде" / “Qırım qanunsız anneksiyälände”
Awrupa Berlege Şurası başlığı Şarl’ Mişel’, Ukraina çigendäge Rusiyä xärbi kontingentınıñ arttırıluın kürülären belderep: "Qırım qanunsız anneksiyälände”, - dip äytte
Mişel’ Gruziyadağı säyäsi kiyerenkelekneñ azaytıluı maqsatınnan çığıp äzerlägän 5 maddälek "Gruziyanıñ alğa kiteş yulı” isemle kileşü tekstınıñ xakimiyät häm qayber oppoziśiya partiyaları tarafınnan imzalanuınnan soñ Orbeliani İlbaşı sarayında Görcestan (Gruziya) Däwlät başlığı Salome Zurabişvili belän küreşte.
Söyläşüdän soñ oyıştırılğan urtaq matbuğat oçraşuında çığış yasawçı Zurabişvili ilendäge säyäsi krizisnıñ xäl itelüenä kertkän öleşe öçen Mişel’gä räxmätlären citkerep: "Bu härkemneñ ciñüe, bar närsädän êlek bu ilneñ ciñüe”, - dip äytte. Däwlät başlığı il kiläçägen Awrupa Berlege belän bergä kürülären dä belderde.
Mişel’ dä çığışında Gruziyada (Görcestanda) säyäsi krizisnıñ çişeleşe öçen xakimiyät häm oppoziśiya liderlarınıñ kileşü tekstına qul quya başlawlarınnan bik qanäğät’ buluın citkerde.
Säyäsi dialognıñ awır buluın, ämma härkemneñ urtaq tırışlığı belän monnan arı kiläçäktäge säyäsi awırlıqlarnı xäl itüneñ tağın da ciñel bulacağın belderüçe Mişel’: "Bu – yaña çornıñ başlanğıçı häm Gruziyanıñ Awrupa Berlege belän integraśiyası barışında uzuı zarur yul öçen küp êşlärgä kiräk”, - dip äytte.
Mişel’: "Bez Ukrainanıñ çik buylarında Rusiyä xärbi kontingentınıñ arttırıluın açıq räweştä küräbez. Qırım qanunsız (zakonsız) räweştä anneksiyälängän. Awrupa Berlege, älbättä, bu krizisnı xäl itü öçen bilgele adımnar yasadı. Ayıruça Awrupa Berlegeneñ Gruziyanıñ cir bötenlege belän möstäqillegenä bulğan yaqlawı da qaqşamas”, - dip iskärtep uzdı.
Gruziyada xakimiyät belän oppoziśiya arasında 2020nçe yılnıñ 31nçe üktäbrendäge ğomum saylawdan birle xökem sörgän krizis 23nçe fevral’dä töp oppoziśiyä partiyası “Berläşkän milli xäräkät” başlığı Nika Melianıñ qulğa alınuı belän artqan ide.
