M’yanma grajdanlıq xökümäte ASEANğa möräcäğät itte

M’yanmada xärbi tüntäreleşkä häm saylanğan xökümät äğ’zaläreneñ qulğa alınuına qarşı ütkärelgän protest çaralarında iminlek köçläreneñ qorallı qatışuı näticäsendä ülüçelärneñ sanı 737gä citkän

1623939
M’yanma grajdanlıq xökümäte ASEANğa möräcäğät itte

Säyäsi totqınnarğa yärdäm oyışmasınıñ (AAPP) ber könlek xisabında M’yanmada soñğı täwlektä tağın 7 keşeneñ häläq’ buluı belderelde.

Tuplam ülüçelär sanı 737 bularaq yañartılğan bulsa, 3 bin 229 keşeneñ tüntäreleştän birle saq astında totıluı iskärtelep uzıldı.

930 keşe xaqında isä qulğa alınu qararınıñ buluı äytelde.

Şul uq waqıtta xärbi tüntäreleşkä qarşı oppoziśiyäçel xalıq ışanıçlıları oyıştırğan Milli mäcles wäkilçelek komitetı (CRPH) xärbi citäkçelekkä qarşı tözegän "grajdanlıq xökümäteneñ" M’yanma krizisın söyläşü öçen 24nçe aprel’dä İndoneziyada ütkäreläçäk Kön’yaq-könçığış Aziya millätlär berlegeneñ (ASEAN) liderlar sammitında wäkillek itelüen taläp itte.

Grajdanlıq xökümäte wäkillärennän Moe Zaw Oo “Amerika awazı”na birgän äñgämäsendä: "Ägär ASEAN M’yanmadağı wazğiyätneñ çişeleşen teli ikan, ul çaqta xalıq tarafınnan yaqlanğan Milli berlek xökümäten söyläşülärgä qatnaştırmıyça bernärsäne dä başqara almayaçağın belergä tiyeş”, - dip äytte.

Zaw Oo, grajdanlıq xökümät wäkilläreneñ çaqırıluınıñ xärbi tüntäreleşneñ uñışlı bulmawı cähätennän möhim buluına basım yasap: "Xäzergä çaqlı ASEANnan bezgä bu mäs’älädä êlemtägä kerüçe bulmadı. Bu mäs’äläneñ cirenä citkerelep qarap çığıluın telibez”, - dip belderde.

Milli mäcles wäkilçelek komitetı 16nçı aprel’dä M’yanmadağı xärbi xökümätne legal’ dip kürmäwlären belderep, xalıqnıñ tawışları belän saylanğan zatlardan torğan Milli berlek xökümäte iseme belän “grajdanlıq xökümäte”n tözülären iğ’lan itkän ide.

Grajdanlıq xökümäteneñ kabinetında 1nçe fevral’ tüntäreleşennän êlek qulğa alınğan êlekke İlbaşı Win Myint, "Däwlät başlığı" bulsa, ilneñ saq astındağı êlekke ğamäli liderı Aung San Suu Çii dä "Däwlät kiñäşçese" bularaq wazıyfalandırılğan ide.



Bäyläneşle xäbärlär