Dön'yadağı iñ zur aysberg yuqqa çıqtı

Dönyadağı iñ zur aysberg bularaq bilgele A68 kisäklärgä ayırıldı. Ul Antarktikadan 2017nçe yılda qupqan ide. Boz tawınıñ mäydanı ul waqıtta yaqınça 6 meñ kvadrat kilometr bula!

A68neñ yuqqa çığuı xaqında AQŞnıñ milli boz märkäze xäbär itte. Oyışma citkergänçä, aysberg kisäklärgä ayırılıp êregän häm yasalma iyärçennän kürep bulmastay xälgä kilgän.

A68 Antarktika yarımutrawınıñ qırıyındağı Larson C boz şel’fınnan quba häm 1 yıl buyı hiç xäräkät itmi diyärlek. Ämma soñınnan quätle ağımnar häm cillär anı tön’yaqqa taba söyri başlıy.

Uzğan yıl Angliyä saqlanu ministrlığınıñ yök oçqıçı aysbergnı töşerep alğan ide. Dön’yanın iñ zur boz tawı soñğı 3 yılda 1800 kvadrat kilometr êregän bulıp çıqtı.

Başqa yök oçqıçı boz tawınıñ torğan sayın artqan xäräkätlären küzätü öçen cirlektä tübännän oça häm anda bik küp çatnağan êz häm su astına taba tunnel’lär barlıqqa kilüe kürenä.