AQŞtağı höcümnärdä küpme keşe ülde?

Amerika Quşma Ştatlarında soñğı ber ayda qorallı höcümnärdä 70tän artıq keşeneñ ğomere özelde.

AQŞta qorallı höcümnär belän bäyle waqıyğalarnı küzätep barğan “Qorallı höcümnär arxivı” isemle oyışma mäğlümatları koronavirus kizüenä qaramastan ildäge qorallı höcümnärneñ azaymawın kürsätte.

Bıyıl 150 tiräse kümäk qorallı höcüm terkälgän ildä soñğı ber ayda 45 kümäk höcüm oyıştırılğan.

Bu höcümnärdä kim digändä 72 keşe yaqtı dön’yadan kitte, 100dän artıq keşe yaralandı.

AQŞ ilbaşı Djo Bayden qoral satıp alularnı çikläyäçäk yaña tärtipkä salularnıñ Kongresstan uzuı öçen çaqıru yasadı, Kongress isä bu mäs’älädä qanuni tärtipkä salunıñ mömkin kebek kürenmäwen belderä.

2019da 417 kümäk qorallı höcüm küzätelgän ildä uzğan yılnı isä 600dän artıq höcüm terkälgän ide.