M’yanmada grajdanlıq xökümäte tözelde

M’yanmada saylanğan xökümätne kire qaytaru maqsatınnan çığıp xärbi tüntäreleşkä qarşı oppoziśiyäçel xalıq ışanıçlılarınnan tözelgän Milli mäclesneñ wäkillek komitetı xärbi xökümätkä qarşı grajdanlıq xökümäten tözülären belderde.

Komitettan yasalğan yazma belderüdä: "2020nçe yıldağı saylawdan soñ xalıq birgän wäqalätkä nigezlänep saylanğan xalıq ışanıçlılarınnan torğan Milli berlek xökümäteneñ tözelüen iğ’lan itäbez”, - dip äytelde.

Xökümätneñ 15 keşelek isemlege dä açıqlandı.

M’yanmanıñ êlekke ilbaşı Win Myint kabinetta yañadan “Däwlät başlığı” bularaq urın alğan bulsa, ilneñ qulğa alınğan êlekke ğamäli liderı Aung San Suu Çii dä "Däwlät kiñäşçese” itep wazıyfalandırıldı.

Suu Çiineñ partiyası “Milli demokratiya berlege”neñ (NLD) yuğarı däräcäle citäkçelärennän Mahn Win Khaing Than kabinetta "baş ministr" bularaq urın aldı.

1nçe fevral’ tüntäreleşennän soñ saylanğan xalıq ışanıçlıları tarafınnan tözelgän Milli mäclesneñ wäkillek komitetı 1nçe aprel’dä M’yanma ğaskäreneñ 2008nçe yıldağı töp qanunın tanımawların beldergän ide.

Şul uq waqıtta M’yanmada xärbi tüntäreleşkä häm saylanğan xökümät äğ’zaläreneñ saq astında totıluına qarşı ütkärelgän rizasızlıq çaralarında iminlek köçläreneñ qorallı qatışuı näticäsendä ülüçelärneñ sanı 726ğa citkän.

Säyäsi totqınnarğa yärdäm oyışmasınıñ ber könlek xisabında soñğı täwlektä tağın 12 keşeneñ ülüe citkerelde.

Tuplam häläq’ buluçılar 726 bularaq yañartıldı, 3 meñ 151 keşeneñ saq astında totıluı iskärtelep uzıldı.

Xisapta tüntäreleşkä qarşı bulğan 813 keşe turında qulğa alınu qararınıñ buluı belderelde.

Soñğı 24 säğät’tä qulğa alınğannarnıñ 36sınıñ protest çaraların oyıştırğan aktivistlar buluı äytelde.