Rusiyä vakśinası Liviyädä
Liviyä Rusiyädä yasalğan Sputnik-V vakśinasınıñ berençe partiyäsen aldı
Liviyä Rusiyädä yasalğan Sputnik-V vakśinasınıñ 101 meñ 250 dozalıq berençe partiyäsen aldı. Bu xaqta älege ilneñ sälamätlek saqlaw ministrlığı belderde. Preparatlar xökümät räise Abdulxämit Dibäybäneñ tırışlığı belän qaytarılğan.
Belderüdä äytelgänçä, vakśinalar ministrlıqnıñ saqlağıçlarında toraçaq. Alarnı qayçan qadıy başlayaçaqları äytelmi.
“Berençe Kovid-19 vakśinasın qaytartunı ğamälgä aşırdıq, qalğan partiyäläre dä ber-ber artlı kiläçäk,”-dide Liviyä xökümäte räise Dibäybä. Ul liviyälelärne uzğan ay awırular belän köräş märkäze tarafınnan açılğan vakśinalaştıru sistemasına terkälergä çaqırdı.
Bäyläneşle xäbärlär
Germaniyadä pıçaqlı höcümçe dähşäte
Universitet kitapxanäsenä salqın qoral belän kergän 31 yäş’lek şäxes täêsirsez xälgä kiterelde