Yuqqa çıqqan planeta Cirneñ êçendäme?
Cirneñ üzägendä Teyya planetasınıñ öleşläre tabıldı
Ğalimnär Cirneñ üzägendä Teyya planetasınıñ kisäkläre barlığın söyli. Bilgele bulğança, älege kük cisemeneñ planetabız belän bäreleşüe farazlana. Bu xäl milliardlarça yıl êlek küzätelgän. Bäreleşü näticäsendä Ay päyda bulğan dip isäplilär.
Teyyağa soñınnan ni buluı bilgele tügel. Anıñ yazmışın açıqlaw öçen tikşerenülär däwam itä.
Sputniktağı xäbärgä qarağanda, AQŞnıñ Arizona ştatı universitetı belgeçläre Teyyanıñ kisäkläreneñ planetabıznıñ üzägendä bula aluına ışana. Tiränleklärdä LLSVP dip ataluçı qıya blogı tabılğan. Ğalimnär fikerençä, Teyyanıñ kisäkläre anıñ êçendä.
Qıya bloklarınıñ berse – Afrika astında, ikençese isä Tın okean töbendä. Tikşerenülärdä Cirneñ töşen äyländerep alğan bu bloklarnıñ başqa qıyalardan ximik tözeleşe belän ayırılıp toruı häm tağın da tığız buluı assızıqlana.
Teyya belän Cirneñ yaqınça 4 milliard yarım yıl êlek bäreleşüe häm ike planetanıñ töşeneñ ber-bersenä kerüe uylanıla.
Qayber fän ähelläre bu bäreleşüneñ Cirdäge tormışnıñ yaraluı öçen kiräkle ximik êlementlarnı irekkä çığaruın farazlıy.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde