"Tön’yaq Ağım2"neñ 95%ı tözelde

Tön’yaq Ağım2 proyektı citäkçese Nord Stream şirkätennän yasalğan açıqlawda proyekt qısalarında ütkärgeç tözeleşeneñ Germaniya häm Daniya su kiñleklärendä däwam itüe belderelde.

“Ütkärgeçneñ 121 çaqrımınıñ tözeläse qaldı. Proyektnıñ 95%ı bulğan 2339 çaqrımlıq yul tämam,” – dip äytelä açıqlawda.

Barlığı 10 milliard yevro sarıf iteläçäk Tön’yaq Ağım2 proyektı yärdämendä yılına 50 milliard m3 lık Rusiyä gazınıñ Baltıyq diñgeze aşa Germaniyağa qudırıluı planlana.

Amerika Quşma Ştatları, Ukraina, Pol’şa belän Baltıyq illäre qarşı çıqqan proyektnıñ partnyerları arasında proyekt xucası “Gazprom” belän ber rättän Shell, OMV, Engie, Uniper häm Wintershall kebek şirkätlär bar.