"Vakŝinalarnı neft’ belän tüli alabız"

Venesuêla däwlät başlığı Nikolas Maduro däwlät televideniyesenä açıqlaw yasap, koronavirus belän köräş öçen ixtıyacları bulğan vakŝinanı neft’ belän tüli alaçaqların äytte.

“Venesuêlanıñ neft’ tankerları bar, bezneñ neft’ne satıp aluçı kliyentlarıbız da bar. Vakŝinalarnı neft’ belän tülärgä äzer bez. Diplomatik häm säyäsi kanallar aşa xatlar cibärdek. Venesuêlanıñ ixtıyacı bulğan vakŝinalarnı bezgä cibärsennär, aqçasın tuñdırılğan xisaplarıbızdan alsınnar,” – dide ul.

Maduro täqdimnäre qabul itelgän oçraqta ilneñ vakŝina ixtıyacınıñ 20%ı bulaçaq 2 million 400 meñ doza vakŝinağa qawışaçaqların citkerde.

Venesuêla başta Qıtaydan 500 meñ doza Sinopharm vakŝinasınnan häm Rusiyädän 100 meñ doza Sputnik vakŝinasınnan alğan ide.