Yaponiya Tön’yaq Koreyağa protest belderde

Milli iminlek şurasında oyıştırğan aşığıç cıyılıştan soñ çığış yasawçı Baş ministr Suga Tön’yaq Koreyanıñ cirle waqıt belän säğät’ 07:04 belän 07:23tä oçırtqan ike ayırım ballistik raketanıñ Yaponiyanıñ su kiñlege häm maxsus iq’tisad töbägennän çittä kilep töşüen belderde.

Suga, Tön’yaq Koreyanıñ ballistik raketa oçırtuın tıyuçı Berläşkän Millätlär Oyışması İminlek Şurası qararınıñ bozıluın kisken räweştä gäyepläp: "Bu xäräkät Yaponiyanıñ häm tirä-yaqtağı töbäklärneñ tınıçlığına häm iminlegenä yanıy. Raketa oçırtıluı BMO İminlek Şurası qararın boza, qatğıy räweştä gäyeplibez häm protest itäbez”, - dip äytte.

Milli iminlek şurası cıyılışında xökümätneñ adımın qarap çığuların assızıqlawçı Suga mäs’älä belän bäyle mäğ’lümatneñ tiränäytelüe häm cämäğät’çelek belän urtaqlaşıluı boyırığın birde.

Cıyılışta Suga diñgez häm hawa transportınıñ iminlegeneñ täêmin itelüeneñ möhimlegenä tuqtalıp uzdı häm: "Küzätü häm uyawlıq moñarçı bulmağan qadär möhim. Xalıqnıñ tınıç yäşäyeşen nıq itep saqlaw öçen Amerika Quşma Ştatları, Kön’yaq Koreya häm başqa illär belän yaqın xezmättäşlekne däwam itäbez”, - dip äytte.

Suga Tön’yaq Koreyağa qarata alıp barılaçaq säyäsätne aprel’ ayında Waşingtonda oçraşaçaq Amerika Quşma Ştatları İlbaşı Djo Bayden belän quzğataçaqların äytte.

“Kyodo” agentlığınıñ xökümät çığanaqlarına tayandırğan xäbärenä kürä, raketalarnıñ berençese 420 çaqrım häm ikençese 430 çaqrım xäräkät itkän, nindi dä bulsa ber oçqıçqa yäki köymägä zıyan birmägän.

Tışqı êşlär ministrlığı räsmi zatı birgän mäğ’lümatkä kürä, Yaponiya xökümäte Pekin ilçelege kanalı belän Tön’yaq Koreyağa protest notasın citkerde.