Trampnıñ üz sośial’ media platforması bulaçaq

Anıñ Twitter häm Facebooktağı akkauntları yabıldı

1605985
Trampnıñ üz  sośial’ media platforması bulaçaq

AQŞnıñ monnan aldağı ilbaşı Donal’d Tramp berniçä aydan üzeneñ sośial’ media platformasın täq’dim itäçäk. Bu xaqta anıñ 2020nçe yılğı saylawdağı süzçese häm kiñäşçese bulğan Djeyson Miller belderde. Ul Fox kanalına interv’yusında älege sośial’ media platformasınıñ Trampnıqı bulaçağın äytte. “Bu uyınnıñ qağıydälären tulısınça üzgärtäçäk häm här keşe ilbaşı Trampnıñ nişläwen kürü öçen anı küzätäçäk,”-dide Miller.

Süzçe äytüençä, Tramp yaña sośial’ media platforması öçen berniçä şirkättän täq’dim alğan häm üz komandasın cıya başlağan. “Bik zur platforma bulaçaq häm distälägän million keşene üzenä tartaçaq,”-dide ul.

AQŞta urnaşqan sośial’ urtaqlaşu platformaları Twitter häm Facebook 6nçı ğıynvarda bulğan häm 5 keşeneñ ülemenä kitergän Kongress basqınınnan soñ Trampnıñ akkauntların başta waqıtlıça, annarı bötenläygä yapqan ide.



Bäyläneşle xäbärlär