Urlanğan uquçılar

Nigeriyanıñ Kaduna töbägendä ber urta mäktäpkä höcüm itkän qorallı keşelär bik küp uquçı häm uqıtuçını urladı. Cirlekneñ êçke iminlek häm êçke êşlär komissarı Samuêl’ Aruvan beldergänçä, höcümçelär motośikllar belän kilgän. Niçä keşeneñ urlanuı älegä tögäl bilgele tügel. Waqıyğa urınına iminlek köçläre cibärelgän.

Kaduna töbägendä uzğan yıl qorallı törkemnär yasağan höcümnärdä 937 keşeneñ ğomere özelde, 1972 keşe urlandı.

Nigeriyada ğıynvar ayınnan birle 5 tapqır mäktäplärdän uquçılar urlandı. Belem birü yortlarına höcümnär yışayu säbäple qayber töbäklärdä uqular waqıtlıça tuqtatıldı.

12nçe martta federal’ urman xucalığı kölliyätennän 219 keşe urlanğan ide. Alarnıñ 180e qotqarıldı. Tağın 39 uquçını êzläw däwam itä.

İldä soñğı waqıtlarda qorallı keşelärneñ motośikllar belän kilep höcüm itüe kübäyü säbäple qayber töbäklärdä älege texnikanı qullanu tıyılğan ide.