Rusiyä belän Qıtay Ayda xezmättäşlek itä
İke däwlät arasında bu xaqta kileşü tözelde
1598228
Rusiyä belän Qıtay arasında Ayda urtaq ğaläm stanśiyäse tözü öçen memorandum imzalandı. Bu xaqta Roskosmos xäbär itte. Belderüdä äytelgänçä, Rusiyä federal’ ğaläm agentlığı häm Qıtay milli ğaläm idaräse CNSA Ayda tikşerenülär uzdıru öçen stanśiyä buldırırğa süz quyıştı. Älege stanśiyä qızıqsınuçı barlıq däwlätlär öçen açıq bulaçaq.
“Roskosmos belän CNSA arasındağı xezmättäşlek fänni tikşerenülärneñ üzara bäyläneşen nığıtırğa häm ğalämne barlıq keşelekneñ mänfäğat’läre öçen tınıç maqsatlarda qullanuğa öleş kertäçäk,”-diyelä belderüdä.