"Ulıma prinŝ titulı birelmäde"

Prinŝ Garri häm Megan Markl Amerikalı tapşıru alıp baruçı Opra Uinfrinıñ qunağı buldılar. Uinfri tapşıruları CBS televideniyesendä kürsätelä.

Megan äniseneñ çığışı belän Afrikadan buluı arqasında awırlı çaqta ulınıñ tän töseneñ söyläşelüen äytep: “Bäbiyemneñ prinŝ yäisä prinŝessa buluın telämädelär. Anıñ qara tänle bula alaçağın uyladılar,” – dide.

Markl bu mäs’äläne kemneñ kön tärtibenä kiterüen açıqlamadı, üzenä dä açıqlarğa irek birmäwlären belderde.

Megan tuydan alda Kêmbridj gerŝoginyası Kêytnı yılatuı belän bäyle xäbärlärne dä kire qağıp: “Kiresençä buldı ul. Tuyğa berniçä kön qala Kêyt närsägäder borçıldı häm mine yılattı. Patşalıq ğailäsendä bik bäxetsez idem min, üz-üzemä qula salırğa da cıyındım,” – dide.

Prinŝ Garri isä patşalıq ğailäsendäge wazıyfalardan kitüenä ğailädäge kileşmäwçänlekneñ täêsir itüen belderde häm änise prinŝessa Diananıñ 1997 yılda ülüen xäterlätep, tarixnıñ qabatlanuınnan qurquın citkerde.

“Ätiyem prinŝ Çarl’z telefonğa cawap birmi. Äbiyem patşabikä Êlizabet belän bügengä qadär telefonnan 3 tapqır söyläştek, ätiyem belän dä 2 tapqır ğına, annarı cawap birmi başladı,” – dide ul.

Garri ikençe balalarınıñ qız bulaçağın da açıqladı.