Papa Franśisk Bağdatta

Katoliklarnıñ ruxani liderı Papa Franśisk utırğan oçqıç Ğıyraq başqalası Bağdatqa töşte

1595857
Papa Franśisk Bağdatta

Papa Franśisknı hawa mäydanında Ğıyraq Baş ministrı Mustafa äl-Kazımi räsmi tantana belän qarşı aldı.

Kazımi belän küreşkännän soñ Papa Bağdattağı Yäşil töbäktäge İlbaşı sarayına baraçaq. Papa biredä İlbaşı Bärhäm Salih tarafınnan räsmi tantana belän qarşı alınaçaq. Papa häm Salih annan soñ qara-qarşı küreşep söyläşäçäk.

Papa biredä ictimağıy oyışma wäkilläre häm diplomatlar belän dä oçraşaçaq.

Papa Franśisk yaña tör koronavirus (Kovid-19) kizüe arqasında 2020nçe yıldağı çit il säfärlären ğamäldän çığarğan ide. Yaqınça 16 aydan soñ berence çit il säyäxäten yasawçı Franśisk tarixta Ğıyraqqa säfär yasağan berençe Papa bulaçaq.

Papa Franśisknıñ Ğıyraq säfäreneñ 8nçe martta tämamlanuı planlaştırıla.



Bäyläneşle xäbärlär