Tarixta täwge tapqır Rim papası Ğıyraqqa bara
Papa Franśisknıñ Ğıyraqta bronetexnikada säyäxät itü ixtimalı bar
Katoliklarnıñ ruxani liderı häm Vatikan däwläte başlığı papa Franśisk irtägä Ğıyraqta räsmi oçraşularda qatnaşaçaq.
Vatikan bu xaqta “Tarixta täwge tapqır Rim papası Ğıyraqqa bara” dip iğ’lan itte.
Programmağa qarağanda, papa Franśisknıñ säfäre 5nçe marttan 8enä qadär däwam itä. Ul başta başqala Bağdadta oçraşular ütkäräçäk. 6nçı martta isä Näcäf şähärendä Ğıyraq şiğıylarınıñ dini liderı Äyatullax Ali Äs-Sistani belän küreşüe kötelä.
Papa Ğıyraqnıñ tön’yağında yäşäwçe farsı telle xalıq – yazidilär belän dä oçraşaçaq.
Katoliklarnıñ dini liderı 7nçe martta Ärbildä Ğıyraq körd regional’ idaräsenä bara, anda söyläşülär ütkärä. 8nçe martta isä ul Musulğa säfär yasap Vatikanğa kire qaytırğa planlaştıra.
Vatikan süzçese Matteo Bruni papa Franśisknıñ Ğıyraqqa säfärennän alda belderülär yasadı. Ul ruxaninıñ täwge tapqır küpçelek şiğıylardan toruçı ilgä baruın äytä. Ul Ğıyraqta, başqa säfärlärgä qarağanda, ikençe törleräk qurqınıçsızlıq çaraları kiräklegen belderde. “Papanıñ bronetexnikada säyäxät itü ixtimalı bar ,”-dide Bruni.
Bilgele bulğança, Rim papası koronavirus kizüe arqasında 2020nçe yılda çit illargä säyäxät itmäde.
