Oçqıç hälakätendä isän qaldı, yul qazasına oçradı
Boliviyädä upqınğa oçqan avtobusta 2016nçı yılnıñ 29nçı noyabrendä Kolumbiyädä kilep töşkän oçqıçta isän qalğan keşe bula
Kön’yaq Amerika däwläte Boliviyädä yulçı avtobusınıñ yardan tägäräwe näticäsendä 21 keşeneñ ğomere özelde, 20se yaralandı.
Cirle matbuğatta çıqqan xäbärlärgä qarağanda, waqıyğa Kalomi şähärçege yanında bula. Avtobus yörtüçese rul’ne tota almıy häm texnika 150 metr tiränlektäge qıyadan asqa tägäri.
Hälakättä yaralanğan yulçılarnıñ berse - 2016nçı yılnıñ 29nçı noyabrendä Kolumbiyädä kilep töşkän oçqıçta isän qalğan Êrvin Tumiri. Ul yul hälakätendä qatı yaralanmıy - arqası häm tezendä tirese beraz sıdırılğan. “Tağın ber tapqır isän qaluım öçen Tänregä şöker itäm,”-di Tumiri.
İsegezgä töşeräbez, braziliyäle furbolçılarnı utırtqan oçqıç Kolumbiyädä hälakätkä yulıqtı. Andağı 81 keşeneñ 5se isän qaldı.
Bäyläneşle xäbärlär
Zelenskiy Könbatışka üpkä belderde
Ukraina däwlät başlığı İzrailgä birelgän hawadan saqlanu yärdämeneñ ile öçen aşığıç buluın belderde
Farsı qultığındağı köçle yañğırlar qorbansız uzmadı
Oman, Berläşkän Ğaräp Ämirlekläre, Baxreyn häm Yämändä bulğan köçle yawım-töşemnär ülemnärgä kiterde