Kovid-19 test üzäge yanında şartlaw

Niderlandnıñ Bovenkardspel’ şähärendä koronavirus test märkäze tiräsendä şartlaw buldı. Bu xaqta ilneñ poliśiyä idaräse Twitterda yazdı. Şartlaw cirle waqıt belän säğat’ 6 tulıp 55 minutta terkälä. Aña quldan yasalğan torba tibındağı bomba säbäpçe bula. Höcümdä ülüçe yäisä yaralanuçı yuq.

Belderüdä äytelgänçä, şartlawnıñ täêsire belän test märkäzeneñ täräzäläre qoyılğan. Äle ul açılırğa ölgermägän bulğan.  

Poliśiyä şartlawnıñ terrakt buluın häm test märkäzen yuq itüne maqsat itep quyuın farazlıy. Ul tirädä başqa şartlatqıçlar barlığınnan şöbhälänep uramnı yabalar.

Dekabr’ ayında da qayber Kovid-19 test üzäklärendä oxşaş höcümnär bulğan. Urk utrawındağı märkäzgä ut törtelä, Amsterdam häm Urmond şähärlärendägelärneñ täräzäläre cimerelä.