Yämängä - 95 million yevro

Awrupa Berlege komissiyäse balaları açlıqta yäşäwçe, bäreleş häm qıtlıq kiçerüçe Yämängä yaña gumanitar yärdäm yasayaçaq. Älege ildä suğış säbäple meñnärçä ğailä öylären taşlap kitärgä mäcbür buldı. Qıtlıq arqasında, bigräk tä, xatın-qızlar häm balalar aç qala.

Awrupa Berlege Yämändäge keşelärneñ aşığıç ixtiyacların qanäğat’länderü öçen 95 million yevro gumanitar yärdäm bülenüen belderde. Ul azıq-tölek, su, sälamätlek saqlaw häm belem birü mäydannarına yünäldereläçäk. Belderüdä Awrupa Berlegeneñ Yämängä 2015nçe yıldan birle 648 million yevro gumanitar yärdäm cibärüe xäterlätelde.  

Yämändä xusilär 2014nçe yılnıñ sentyabrennän birle başqala Sana häm qayber cirleklärne kontrol’dä tota. Soğud Ğaräbstanı citäkçelegendäge koaliśiyä köçläre 2015nçe yılnıñ martınnan Yämän xökümätenä xusilär belän köräşergä yärdäm itä.

İldäge bäreleşlärdä meñnärçä keşeneñ ğomere özelde.