Nigeriyada Lassa bizgäge qurqınıç tudıra
Tıçqannardan küçüçe älege çirdän küpläp ülälär
1592057
Nigeriyada xaywannardan keşelärgä küçüçe häm ülemçel “Lassa bizgäge” säbäple 22 keşeneñ ğomere özelde. İldä ğıynvar ayınnan birle törle töbäklärdä 102 awırtu oçrağı terkälde.
Lassa bizgäge Mali, Togo, Gana, Liberiya, S’yerra-Leone şikelle bik küp Afrika däwlätendä kürelä. Berençe tapqır ul 1969nçı yılda Nigeriyanıñ Borno töbägendä açıqlandı.
Uzğan yıl Nigeriyada “Lassa bizgäge” arqasında ildä ğadättän tış xäl iğ’lan itelde. Tıçqan tizäge arqılı yoğuçı xastalıq soñınnan keşedän keşegä küçä. Wäqalätlelär xalıqnı gigyena mäs’äläsendä iğ’tibarlı bulırğa çaqırdı.
