20 Manxêtten utrawı qadär boz quptı

Antarktikada 1270 kvadrat çaqrım zurlığındağı bozlıq qubıp üz yulı belän kitte

1591969
20 Manxêtten utrawı qadär boz quptı

Antarktikanıñ könbatışındağı Brant bozlığında 1270 kvadrat çaqrım zurlığındağı boz kisägeneñ qubıp kitüe belderelde.  

Space.com internet säxifäsendäge xäbärgä qarağanda, bozlıqta yarıq 2020nçe yılnıñ noyabrendä barlıqqa kilgän. Soñınnan ul kiñäyep qubu noqtasına citkän.

Britaniyä antarktik tikşerenülär oyışması beldergänçä, yarıq ğıynvar ayında kön sayın yaqınça 1 çaqrım tizlek belän zuraya. Uzğan comğa irtänge säğat’lärdä zur kisäk bozlıqtan ayırılıp kitä. Anıñ mäydanı Manxêtten utrawınnan 20 tapqır zurraq. Belgeçlär kisäkneñ yardan yıraqlaşa aluın da, bozlıq tiräsendä urnaşu mömkinlegen dä belderä.

Belgeçlär bu qubunıñ tabiğıy prośessnıñ ber öleşe buluın belderä. Global’ klimat üzgärü belän bäyle buluın isbatlaw öçen östämä tikşerenülär kiräk.

150 metr qalınlığındağı Brant boz şel’fı Antarktika yarında här yıl 2 çaqrım könbatışqa taba xäräkät itä. Anıñ näticäsendä cirlektä aysberglar häm zur bozlıqlar barlıqqa kilä.



Bäyläneşle xäbärlär