Bayden - patşa Sälman söyläşüe

Amerika Quşma Ştatları ilbaşı Djo Bayden Soğud Ğaräbstanı patşası Sälman bin Abdülaziz belän telefonnan söylaşte.

Aq Yorttan yasalğan yazma açıqlawda Bayden häm patşa Sälmannıñ telefonnan söyläşü ütkärüläre belderelde.

İke lidernıñ regional’ iminlekkä tuqtaluı urın alğan açıqlawda bu qısada Yämändäge watandaşlar suğışınıñ beterelüe öçen Berläşkän Millätlär Oyışması häm Amerika Quşma Ştatları tarafınnan alıp barıluçı yañartılğan diplomatik tırışlıqlarnıñ häm İran xuplawındağı törkemnärneñ höcümnärenä qarşı Soğud Ğaräbstanınıñ saqlanuı mäs’äläsendä AQŞ täwäkkällelegeneñ assızıqlanuı citkerelde.

Açıqlawda AQŞnıñ Soğud aktivistlarınıñ çığarıluına uñay qarawına işarät itelep: “Dawlät başlığı Djo Bayden AQŞnıñ global’ keşe xoquqları häm xoquq östenlegenä birgän ähämiyätne tağın ber tapqır assızıqladı,” – dip äytelde.

Açıqlawğa kürä Bayden patşa Sälmanğa ike yaqlı mönäsäbätlärne köçle häm ütä kürenmäle yasaw öçen tırışlıq quyaçaqlarına süz birde, ike lider urtaq mänfäğat’ häm borçular mäs’älälärendä bergä êş başqaruda kileşte.