Urlanğan yulçılar irekkä cibärelde

Könbatış Afrika däwläte Nigeriyanıñ Niger töbägendä uzğan atnalarda qorallı keşelär tarafınnan urlanğan 18 yulçı irekkä cibärelde. Waqıyğa 14nçe fevral’dä bulğan ide. Minna-Kotangora yulında avtobusnı tuqtatıp, 18 keşene alıp kittelär.

Niger töbäge gubernatorınıñ matbuğat särqatibe Mari Noel-Berje xökümät yärdäme belän älege keşelärneñ qotqarıluın citkerde.

Töbäktä xäzer 1 nçe fevral’dä urlanğan uquçılarnı irekkä cibärü öçen söyläşülär däwam itä. Qorallı keşelär Kankara rayonında internat-mäktäpkä höcüm oyıştırıp, 27 uquçı häm 15 ölkänne urladı. Waqıyğada 2 balanıñ ğomere özelde.

Töbäktä soñğı waqıtlarda motośikllı keşelär höcümnär oyıştura ide. Şuña kürä älege texnikanı qullanu tıyıldı.