Könçığışta Kovid -19

Bügenge köndӓ dön’ya külӓmendӓ Kovid -19 dan ğomere özelgӓn keşe sanı 2 million 464 meňne, anı yoqtıruçılar sanı 111 million 286 meňne uzıp kitkӓn, 86 million 166 meňnӓn kübrӓk keşe sӓlamӓtlӓngӓn.

Könçığış illӓrenӓ küz salğanda, Hindıstanda xӓtӓr virus 156 meň 240 keşene yaqtı dönyadan alıp kitkӓn, yoqtıruçılar sanı – 10 million 977 meñnӓn kübrӓk.

Rusiyӓdӓ koronavirustan ğomere özelgӓn keşe sanı 82 meň  876 bulğan, çirlӓwçelӓr sanı – 4 million 151 meň. Prem’yer- ministr Mixail Mişustin ilendӓ koronavirusqa qarşı êşlӓp çığarılğan öçençe vakśinanıň dӓ rӓsmilӓşterelüen beldergӓn.

Tön’yaq Kipr Törek Cömhüriyӓtendӓ Kovid -19 oçraqları kimegӓnnӓn soň biznes hӓm iq’tisadi êşçӓnlek 22 nçe fevral’gӓ ӓkrenlӓp açılaçaq.

İzrail hӓm Fӓlӓstin sӓlamӓtlek saqlaw ministrlıqları rӓsmi zatları koronavirusnıň tağın da tizrӓk taralğan törenӓ qarşı körӓştӓ texnik xezmӓttӓşlek başqaru turında kileşkӓn.

Qurqınıç virus Yaponiyada  7 meň 224 can alğan, çirlӓwçelӓr sanı  - 421  meňnӓn artıq. Prem’yer-ministr Suga Yoşixide Bötendönya sӓlamӓtlek saqlaw oyışması citӓkçelegendӓ buldırılğan , vakśinağa ğadel hӓm tigez dӓrӓcӓdӓ ireşüne maqsat itep quyğan COVAX mexanizmına 200 million dollar birgӓn.