Kötülek öçen suğış: 35 keşe üle
Çadnıñ kön’yağında küçmä kötüçelär belän fermerlar arasında bäreleş kilep çıqtı
1585808
Afrika däwläte Çadnıñ kön’yağında küçmä kötüçelär belän fermerlar arasında utlatu probleması arqasında çıqqan bäreleştä 35 keşeneñ ğomere özelde. Bu xaqta Salamat töbäge wäqalätlese Mara Maad belderde. Ülüçelärneñ arasında ber xärbi dä bar.
Maad äytüençä, bäreleşlär 15nçe fevral’dä başlanğan. İctimağıy tärtipne täêmin itü öçen töbäkkä iminlek köçläre cibärelä.
Noyabr’ ayında ilneñ kön’yağındağı Kabbia cirlegendä bulğan oxşaş bäreleşlärdä 22 keşeneñ ğomere özelgän ide.
Çadta utlatu probleması häm kötülärneñ basularğa zarar birüe arqasında fermerlar belän kötüçelär arasında küp yıllardan birle bäreleşlär bula.