"Koronavirus bezneñ belän qalaçaq"

Koronavirus vakśinasın yasağan Germaniya biotexnologiya şirkäte BioNTexqa nigez saluçı professor Uğur Şahin Kovid-19nıñ kiläse 10 yılnıñ probleması bulaçağın belderde. “Vakśina belän 10 millionnan artıq keşene täêmin ittek. Ämma äle êş küp. Vakśinanı dön’yadağı barlıq keşelärgä citkerergä telibez,”-dide ul.    

Bötendön’ya bankı - Xalıqara valyuta fondınıñ törek xezmätkärlär cämğıyäte BioNTexqa nigez saluçılar Uğur Şahin häm xatını, ğalim Özläm Türäci qatnaşında “Kizüne ciñü öçen xalıqara xezmättäşlek” dip atalğan videokiñäşmä uzdırdı.

Anda Şahin koronavirus belän köräştä xezmättäşlekneñ ähämiyätenä basın yasadı.

“Bu virusnıñ bezneñ belän qalaçağı açıq. Bu barı 2021nçe häm 2022nçe yıllarnıñ waqıtlıça probleması tügel. Bu kiläse 10 yıl öçen zur awırlıq barlıqqa kiterä,”-dide ul.

Özläm Türäci vakśina taratu häm ireşüdä tigezlek täêmin itärgä teläwlären belderde. Ul bu mäs’älädä xalıqara xezmättäşlekneñ ähämiyätenä basım yasadı.