AstraZeneka vakśinası röxsät itelde
Preparatnı Bötendön’ya sälamätlek saqlaw oyışması rasladı
1584685
Bötendön’ya sälamätlek saqlaw oyışması AstraZeneka yasap çığarğan koronavirus vakśinasın aşığıç qullanunı raslawın belderde. Bu xaqta oyışmanıñ ğomum mödire Tedros Adxanom Gebreyesus matbuğat cıyılışında da äytte.
AstraZeneka vakśinası Kön’yaq Koreyadağı farmaśevtika ob’yektında häm Hindstannıñ sül institutında citeştereläçäk.
Bötendön’ya sälamätlek saqlaw oyışması ğomum mödire urınbasarı Mariandjelo Simao beldergänçä, bügengä qadär vakśinalar alu mömkinlege bulmağan illär, nihayät’, mediśina xezmätkärlären häm risklı törkemnärne vakśinalaştıra başlayaçaq.
AstraZeneka vakśinasın Angliyä, Hindstan, Argentina, Meksika – barlığı 50dän artıq däwlät raslağan ide.
