Aêroportqa raketa töşte
Ğıyraqnıñ Ärbil şähärenä raketa höcüme buldı
Ğıyraqnıñ Ärbil şähärendä AQŞnıñ xärbi bazası da urnaşqan aêroportqa raketa belän höcüm ittelär. Anda 1 keşe ülde, 6 keşe yaralandı.
AQŞ citäkçelegendäge DEAŞ terrorçı oyışmasına qarşı koaliśiyä köçläre beldergänçä, Ärbildäge aêroportqa höcümdä ülüçe keşe grajdanlı, yaralanuçılarnıñ 5se xezmätkär häm berse AQŞ xärbiye.
Ğıyraq körd töbäk idaräse xökümäte räise Mäsrur Barzani höcümne terrakt dip atadı. Ul iminlek köçlärenä tikşerü başlarğa kürsätmä birde.
AQŞ däwlät särqatibe Êntoni Blinken höcümnän soñ Mäsrur Barzani belän söyläşte häm teläktäşlegen belderde.
İminlek köçläre kiçä tönlä Ärbil aêroportına höcümdä 14 raketa qullanıluın belderde. Alarnıñ 10sı Amerika xärbiläreneñ qazarmaları urnaşqan mäydannıñ tışına töşä, 4se urtasına.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte