Berençe hawa taksiye portı
Älege port Angliyäneñ Koventri şähärendä tözeläçäk
Dön’yadağı berençe hawa taksiye portı Angliyädä tözeläçäk. Proyektnı “Urban-Air port” digän startap şirkäte başlıy. Alar kiläçäktä hawa taksiläreneñ şähär üzägendä niçek êşläyäçägen kürsätergä häm moña asqorma äzerlärgä planlaştıra.
Älege port Koventri şähärendä tözeläçäk. Anda vertikal’ räweştä kütärelep kitä aluçı häm qabat şul räweşle töşep utıruçı êlektrlı prototip taksi da quyrğa uylıylar. Ul noyabr’ ayınnan qararğa kilüçelärne qabul itä başlıy. Tamaşa qıluçılar kiläçäktä cämäğat’ transport häm oça torğan taksilarnıñ niçek êşläyäçägen kürä alaçaq.
“Urban-Air port”nı hawanı pıçratmawçı oçuçı apparatlar yasawnı maqsat itep quyğan xökümät programmasına saylap alalar. Şirkätkä waqıtlıça aêroportnı şähär üzägenä tözü öçen 1,2 million sterling aqça birelde.
