Belgeçlär êşkä kereşte

Koronavirusnıñ niçek häm qaydan çığuın tikşerü öçen Qıtaynıñ Uxan’ şähärenä kitkän Bötendön’ya sälamätlek saqlaw oyışması wäkillege êşçänleklären başlattı.

Wäkillek berençe êş itep awırular däwalanğan Xubey Qıtay häm Könbatış Mediŝina İntegral’ Töbäk Xastaxanäsenä bardı. Bu säfärdän alda belgeçlär Lyan Vannian räislegendäge Milli Sälamätlek saqlaw komissiyase wäkillege belän küreşte.

Wäkillek kiläse könnärdä berençe awıru oçraqları kürelgän Xuanan’ bazarı belän Uxan’ Virusologiya İnsitutında tikşerenülär ütkärergä planlıy.

Amerika Quşma Ştatları, Awstraliya, Germaniya, Yaponiya, Angliya, Rusiyä, Niderland, Qatar häm V’yetnamnan belgeç häm tikşerenüçelärdän toruçı wäkillek 14 ğıynwarda maxsus oçqıç belän şähärgä kitkän ide.