"Xata yasasağız, Tel'-Aviv yuqqa çığar"
İran härtörle höcümdä Tel’-Aviv häm Xayfağa ut açu belän yanadı
İran İzrail tarafınnan oyıştırılaçaq härtörle höcümdä Tel’-Aviv häm Xayfağa ut açu belän yanadı.
İran däwlät televideniyese Ğomüm ştab räislege süzçese, General-mayor Ebulfazl Şikarçineñ İzrail Ğomüm ştab başlığı Aviv Koçavineñ höcüm yanawlarına cawap birüen citkerde.
İzrail yanawların psixologik suğış yäisä xata bularaq bäyäläwlären açıqlağan Şikarçi: “İñ keçkenä xatalarında İranğa höcüm öçen äzerlängän raketa bazalarına ut açarbız häm mömkin bulğan qısqa waqıt êçendä Xayfa häm Tel’-Avivnı yuqqa çığarırbız,” – dide.
“İrannıñ atom-töş programması tınıç maqsatlı. Monı sionist rejim öen tügel, bar dön’ya öçen äytäbez. Dini lider Ayetullax Ali Xamaneynıñ fätwasında häm İrannıñ saqlanu doktrinasında atom-töş qoral citeşterü, totu häm qullanu digän kategoriyabez yuq. İran häm cirlären yaxşı saqlaw köçebez bar,” – dide ul.
İran ğomüm ştab başlığı Koçavi aldağı könne ber konferenŝiyada yasağan çığışında İrannıñ atom-töş programmasın buldırmaw öçen armiyağa yaña operaŝional’ plannar äzerlärgä boyıruın citkergän ide.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde