AQŞta federal’ prokuror - immigrant möselman xatın-qız

Amerika Quşma Ştatlarında berençe tapqır immigrant möselman xatın-qız federal’ prokuror wazıyfasın başqaruçı itep bilgelände.

 Paqıstanda tuğan Saimä Moxsin Miçigan ştatınıñ könçığış regionı baş prokurorı wäkile bularaq saylandı. Ul ildä bu wazıyfağa quyılğan täwge möselman xatın-qız bularaq tarixqa kerde.

Moxsin bu bilgelänüne zur ğorurlıq belän qabul itüen belderde. “Min qanunnarnı tuğrılıq belän ütäw häm härkem öçen ğadellek êzläw bulğan töp burıçıbıznı tormışqa aşıruda täwäkkäl,”-dide ul.

52 yäş’lek Saimä Moxsin 2002nçe yıldan birle N’yu-Djersi häm N’yu-York prokurorı urınbasarı wazıyfaların da kertep yustiśiyä tarmağında êşli.  2018nçe yıldan başlap isä ul Miçigan ştatı federal’ prokuraturasında baş urınbasar bularaq xezmät itä.