Bağdadtağı terraktnı kemnär başqardı?

Ğıyraq armiyäse başqala Bağdadta 21nçe ğıynvarda bulğan häm 32 keşeneñ ülemenä kitergän terraktnı tormışqa aşırğan 2 keşeneñ üz watandaşları buluın belderde.

Qorallı köçlär ğomum komandalığı süzçese Yax’ya Räsul däwlät kanalına interv’yusında soñğı mäğ’lümatlar belän urtaqlaştı. “İminlek köçläreneñ tikşerenülärendä açıqlanğança, dälillär başqaruçılarnıñ ğıyraqlı buluın kürsätä,”-dide ul. Sośial’ mediada monnan alda üz-üzlären şartlatuçılarnıñ berseneñ Soğud Ğaräbstanı keşese buluı xaqında fotoräsemnär çıqqan ide. Ämma anıñ üz ilendäge ber terraktta gäwdäsenä berketelgän bombanı şartlatıp ülüe açıqlandı.

İsegezgä töşeräbez, Ğıyraq başqalası Bağdadta 21nçe ğıynvarda bazarda bulğan ike şartlawda 32 keşeneñ ğomere özelde, 110sı yaralandı.

Höcümne terrorçı oyışma DEAŞ üzeneñ oyıştıruın belderde.