Vaşington sağayıp kötä

Djo Baydennıñ ant itü tantanasına sanawlı könnär qaldı

1565029
Vaşington sağayıp kötä

Amerika Quşma Ştatları başqalası Vaşington sağaydı. İlbaşı bularaq saylanğan Djo Bayden 20nçe ğıynvarda ant itäçäk.

Tantana aldınnan saqlanu çaraları çiktän tış arttırıldı. Başta Aq Yort häm Kongressqa iltüçe barlıq yullar yabıldı. Annarı kritik punktlar bar’yerlar belän äyländerelep alındı. Meñnärçä iminlek saqçısı uramda.

Qayber binalarğa kerü tıyıla. Aq Yort häm AQŞ ilbaşı kiñäşçese Mayk Pens ofisı urnaşqan Êyzenxauêr binası da kerü-çığular öçen yabıldı.

Poliśiyä Kongress binası tiräsendä 1 keşene saq astına aldı. Anıñ maşinasında tentü barışında Glock markalı mıltıq häm 509 yädrä tabıldı. Şöbhäle terkälmägän qoral yörtüne dä kertep berniçä ğayepläw belän qulğa alındı.

Poliśiyä şähärneñ kerü-çığu noqtalarına barrikadalar qordı. Şähärdäge 13 metro stanśiyäse Baydennıñ ant itü tantanası ütä torğan 20nçe ğıynvardan soñğı köngä qadär yabıq bulaçaq.

Kibetlär isä vitrinaların taqta belän qapladı.



Bäyläneşle xäbärlär