Könbatışta koronavirus

Koronavirus arqasında dön’yada 2 million 31 meñ 135 keşeneñ ğomere özelde, yoqtıruçılar – 94 million 961 meñnän, sawığuçılar sanı 67 million 778 meñnän arttı.

AQŞ kizüdä 405 meñ 251 keşesen yuğalttı. Yoqtıru oçraqları – 25 million 306 meñ 43.

İtaliyädä koronavirustan soñğı 24 säğat’tä 475 keşe ülde häm tulayım ğomere özelüçelär sanı 81 meñ 800 buldı. Şul uq waqıtta 16 meñ 310 keşegä Kovid-19 diagnozı quyıldı häm yoqtıruçılar sanı 2 million 365 meñ 733kä citte. İtaliyädä Yaña yıl kanikulınnan soñ 21 töbäktäge wäzğıyät’ qaraldı. Kürsätkeçlär naçar. İlneñ öçtän ikese kizüdä yuğarı risklı bularaq bilgelände. Koronavirus bik tiz taraluçı Lombardiya, Siśiliya häm Bolzano avtonom töbäge isä bik yuğarı risklılar isemlegendä.

Franśiyädä Kovid-19dan ülüçelär sanı 70 meñ 142, yoqtıru oçraqları – 2 million 894 meñ 347.

Portugaliyädä kizüneñ başınnan birle iñ yuğarı ülem häm köndälek yoqtıru kürsätkeçe terkälde. Soñğı täwlektä 166 keşeneñ ğomere özelde, 11 meñ keşegä xätär diagnoz quyıldı. Şulay itep, ildä Kovid-19dan ülüçelärneñ sanı 8 meñ 709, yoqtıruçılar 539 meñ 416 buldı. Finans ministrı Joao Leaonıñ koronavirus testı pozitiv çıqtı häm ul karantinğa alındı.

Avstriyädä kizü 7 meñ 53 keşeneñ ğomeren aldı. Yoqtıru oçraqları – 392 meñ 511. Kiçä ilneñ törle töbäklärennän başqala Venağa kilgän meñnärçä keşe kizüne kisätü çaraların beterüne taläp itep miting oyıştırdı.

Koronavirustan soñğı 24 säğat’tä Braziliyada - 1 meñ 50, Meksikada - 1 meñ 219, Argentinada - 68, Kolumbiyada - 388, Çilida - 66, Ekvadorda - 43, Boliviyada - 25, Gvatemalada - 43 häm Panamada 49 keşeneñ ğomere özelde. Şulay itep kizüneñ başınnan birle tulayım ülem kürsätkeçläre bolay: Braziliyada - 209 meñ 350, Meksikada - 140 meñ 241, Argentinada - 45 meñ 295, Kolumbiyada - 48 meñ 256, Çilidä - 17 meñ 435, Ekvadorda 14 meñ 316, Boliviyada - 9 meñ 596, Gvatemalada - 5 meñ 220 häm Panamada 4 meñ 768.