FBI bombalı sumka quyuçını êzli
Anı tabuda bulışuçığa 50 meñ dollar birergä ışandıralar
AQŞnıñ federal’ tikşerenü byurosı FBI Kongress basqını waqıtında uramğa bombalı sumka taşlap kitkän keşe turında mäğ’lümat birüçegä 50 meñ dollar külämendä aqçalata premiyä tapşıraçaq. FBInıñ Twitter säxifäsendä keşenen häm sumkanıñ fotoları urnaştırıldı. Anda bolay dip yazıla: “FBI 6nçı ğıynvarda Vaşingtonda dähşätne qabızuçı keşelärne açıqlaw öçen äle haman mäğ’lümat êzli. Fotolardağı keşelärne tanısağız, xäbär birüegez sorala”.
İsegezgä töşeräbez, AQŞ kongressı yaña däwlät başlığınıñ saylanuın raslaw öçen utırışqa cıyılğanda ilbaşı Donal’d Tramp tarafdarları Aq Yort qarşında miting oyıştırdı. Andağı distälägän meñ keşe soñınnan Kongress binasına taba kitte häm şaqtıyı barrikadalarnı uzıp êçkä kerde. Yaqınça 4 säğat’ barğan basqınnı tuqtatu öçen milli gvardiyäçelär kiterelde. Waqıyğalarda 5 keşeneñ ğomere özelde, berse – poliśiyä xezmätkäre. Distälärçä keşe yaralandı.
