2020 - iñ cılı yıl buldı

2020nçe yıl 2016 belän bergä tarixta terkälgän iñ cılı yıl bularaq kerep qaldı. Awrupa Berlege klimat monitoringı xezmäte mäğ’lümatları şul xaqta söyli. Annan kürengänçä, 2020 - soñğı 150 yıldağı iñ cılı 5 sänäneñ berse buldı. Terkäwlär 1850nçe yıldan birle alıp barıla.

Yıl buyınça küzätelgän êsse hawa dulqınnarı, ğarasatlar, urman yanğınnarı häm oxşaş tabiğıy hälakätlär dä bu ğadättän tış cılılıqqa bäyle. Awrupa Berlege klimat monitoringı xezmäte bu cılınunıñ kiläçäktä zur qazalarğa kiteräçägenä iğ’tibarnı cälep itte.

2020nçe yılda Cir şarı, 2019 belän çağıştırğanda, Śel’siy buyınça yartı gradusqa tağın da cılındı.  Belgeçlär bu kürsätkeçneñ 2030nçı yılda ber yarım gradusqa citäçägen belderä.