AQŞta Kongress binası basıldı: 4 üle

İldä 15 könlek ğadättän tış xäl iğ’lan itelde.

Başqalada uram cıyının oyıştırğan Tramp yaqlawçılarınıñ qayberäwläre, poliśiya barrikadasın uzıp, Kongress binasına kerde.

Poliśiya binağa kergän protestçılarğa borıç gazı belän qarşılıq kürsätte.

Binada kilep çıqqan tartışu waqıtında yaralanğan ber xatın-qıznıñ ğomere özelgän.

Waşington poliśiyası Kongress binasındağı waqıyğalar waqıtında yaralanğanxatın-qıznıñ salınğan xastaxanädä qotqarıla alınmawın belderde.

Häläq’ bulğan xatın-qıznıñ tanıqlığına qağılışlı mäğ’lümat birelmäde. 

Waşington poliśiyası şefı Robert Konti tağın 3 keşeneñ häläq’ buluın citkerde.

Ğomere özelüçelärneñ berseneñ ir, 2seneñ xatın-qız buluı häm bu keşelärneñ salınğan aşığıç yärdäm servislärendä ülüen belderüçe poliśiya şefı şuşı keşelärneñ tanıqlığın açıqlamadı.

Konti ayıruça waqıyğalarda 14 poliśiya xezmätkäreneñ ciñelçä yaralanuın häm kim digändä 52 keşeneñ qulğa alınuın äytte.

İminlek köçläre monnan tış Kongress binası yanında şartlatqıç tabıluın häm täêsirsez xälgä kiterelüen açıqladı.

Waqıyğalar arqasında Kongressta Djo Baydennıñ İlbaşı bulıp saylanuı raslanaçaq utırış tuqtalıp torıldı häm utırışnı alıp barğan Viśe-prezident Mayk Pens bina tışına çığarıldı.

Annan soñ senatorlar da binadan êvakuaśiyälände.

Trampnıñ viśe-prezidentı Mayk Pensnıñ êş törkemeneñ başındağı Mark Şortnıñ Aq Yortqa kerüen tıyuı belderelde.

Saylanğan İlbaşı Djo Bayden matbuğat oçraşuın oyıştırıp: "AQŞ demokratiyası häm xoquqınıñ östenlegenä qarşı” höcümnärne tuqtatırğa çaqırdı.