Franśuzlar tuynı bombalağan
Malida yäkşämbe tönendä bulğan waqıyğanıñ ğayeplelären açıqlıylar
Malinıñ Morti töbägendä yäkşämbedän düşämbegä qarşı töndä oyıştırılğan häm kimendä 100 keşeneñ ülemenä kitergän hawa höcümen Franśiyäneñ yasawı alğa sörelä. İl matbuğatındağı xäbärlärgä qarağanda, armiyä Morti töbägendäge Bounti awılına höcüm itüen beldergän bulğan.
Xärbi çığanaqlar älege bombalawnıñ grajdanlılarnı nişanğa almawın, qorallı törkemnärgä qarata oyıştırıluın citkersä dä, Mali yağı höcümdä ber tuy mäcleseneñ tar-mar itelüen, balalarnı da kertep 100lägän grajdanlı keşeneñ ğomere özelüen xäbär itä.
Franśiyä soñğı 10 köndä Malida alıp baruçı “Barxan operaśiyäse” qısalarında xezmät itüçe 5 xärbiyen yuğalttı. Älege xäräkät 2014nçe yılda başlandı. Ul üz êçenä Afrikanıñ Säxil dip ataluçı savanna regionındağı Mavritaniya, Mali, Burkina-Faso, Niger häm Çad däwlätlären ala. Franśiyäneñ cirlektä 5 meñ 100 xärbiye xezmät itä.
Bäyläneşle xäbärlär
Lavrov: "Könbatış iğ'tibarnı Ğazzädän İranğa yünältergä teli"
Rusiyä tışqı êşlär ministrı İran kiyerenkelege mäs'äläsenä bäyä birde