Awrupada vakśinalaştıru başlana
Qayber Awrupa däwlätläre, alar êçendä Germaniyä dä bar, 27nçe dekabr’dän vakśinalaştıru êşçänlegen başlayaçaq
Awrupa daru agentlığı Germaniyäneñ BioNTex şirkäte häm Pfayzer xezmättäşlegendä yasalğan koronavirus vakśinasınıñ Awrupa Berlegendä qullanıluına röxsät birde.
Sputnik agentlığınıñ xäbärenä qarağanda, Awrupa Komissiyäse bu röxsät xaqında räsmi wäqalätnamä çığarğannan soñ vakśinanı taratu başlanaçaq.
Awrupa daru agentlığı vakśinanıñ Angliyädä mutaśiyä kiçergän häm tağın da yoğuçan xälgä kilgän Kovid-19nıñ yaña törenä qarşı da täêsirle bula aluına ışanuın belderde.
Qayber Awrupa däwlätläre, alar êçendä Germaniyä dä bar, 27nçe dekabr’dän vakśinalaştıru êşçänlegen başlayaçaq.
Pfayzer-BioNTex vakśinasına röxsätne başta Angliyä häm AQŞ çığardı. Şunnan soñ Germaniyä Awrupa daru agentlığına möräcäğat’ itte häm Awrupa öçen röxsät birü prośessın tizlätüne soradı. Näticädä 29nçı dekabr’dä ütärgä tiyeşle cıyılış ber atnağa irtäräk uzdı.
